New Children's Books

I gcró na muc bhí trí mhuicín. Sna sála ar An Slipéar Gloine, tá Futa Fata ar bís an dara leabhar inár sraith d’athinsintí véarsaíochta ar na síscéalta clasaiceacha a chur i lámha léitheoirí. 

Grá do shaol álainn an dúlra agus grá do nadúr misniúil an pháiste - tá siad araon le fáil sa leabhar aoibhinn seo. Déan damhsa leis an eilifint, bí ag rith leis an mac tíre, bí ag luascadh leis an moncaí. I bhfocail eile, BÍ FIÁIN!

Níl Eileanór in ann ceol a dhéanamh lena trúnc. An mbeidh sí ina heilifint cheart go deo?

Is frog speisialta é Frainc. Níl sé sásta a bheith ag snámh.Ag iarraidh eitilt atá sé! Deir Mamaí agus Daidí leis nach bhfuil frog ar bith in ann eitilt – ach meas tú an gcuirfidh sé sin stop leis?

Tá sé ina chogadh dearg sa Spáinn. Ag súil le tearmann a bhaint amach teitheann teaghlach siar i dtreo na teorann. Beidh turas fada crua roimh an leaid óg Alejo trína thír féin agus tíortha eile i bhfad i gcéin. An mbeidh deireadh leis an gcogaíocht go deo?

Nuair a mhúsclaíonn Muireann san oíche, tá rud éigin mícheart, iomlán mícheart. Níl an teach solais taobh amuigh dá fuinneog ag splancarnach níos mó! Tá Daidí amuigh ag iascaireacht san oíche ina bháidín dearg.

Léigh leat an leabhar seo, ar mhaithe le spórt Faoi bhuataisí deasa de gach uile shórt!

Scéal lán spraíúil ina dtugann Teidí agus a chlann cuireadh isteach ina dteach sinn agus sinn a thabhairt go tír na gcreidiúint. Bígí ag gabháil do na teidí ar a gcuid eachtraí le léaráidí áille le Ciara Ní Dhuinn, amhráin agus rainn do pháistí le Sadhbh Rosenstock.

Scripteanna do dheich ndráma nua-scríofa, atá feiliúnach do pháistí sa rang sóisearach – ó na naíonáin mhóra go rang a dó. Cuimsíonn gach dráma ceol agus amhráin nuachumtha, ar féidir iad a shruthú ar líne. Tá 55 rian ar fáil le sruthú ar líne. Is ceoldrámaí iad naoi gcinn de na drámaí sa leabhar agus tá dhá dhráma Nollag ann freisin.

Ní fada ó cailleadh máthair Líse, ach ní chuirfidh sé sin aon stop leis an gceiliúradh a bhí beartaithe aici dá fichiú breithlá. Cumann Pól manglam marfach anach as na biotáillí aduaine i bhfánchúinní na cistine, agus cuireann Neidí a phutóga amach dá thoradh - a chuid urlacain síos le fána agus isteach sa reilig in aice láimhe.